सहयोग रकम पिडितको हातमा पर्ने हो कि होइन!

  • Get News Alerts

अविरल बर्षाका कारण नेपालको विभिन्न भूभाग जलमग्न भएका छन्। धनजन क्षेतिको विवरण अपडेट भैरहेछन्। सामाजिक संजाल र मेडिया यसै समाचारले भरिएका छन्। अमेरिकाका सामाजिक संघ संस्था कसरी सहयोग गर्न सकिन्छ भनि आतुरताका साथ् सहयोग संकलनमा व्यस्त छन्।

अब सहयोग कसऱी हुन्छ त?

सबै भन्दा चांडो परिचालन हुने सहयोग हो – पैसा।

एनआरएन अमेरिकाले बाढीपिडितको समाचार आउनासाथ आफ्नो वेबसाइटमा सहयोग संकलनको प्राबधान राखि सामाजिक संजालमा सहयोगको लागि आब्हान गर्यो।

साथै न्यूयोर्कको अफिसमा आकाष्मिक कर्माचारी तथा अभियन्ताहरुको सहयोगमा रकम तथा चेक संकलन गर्ने प्राबधान गर्यो। अन्य संघसंस्था संग समन्वय गर्दै एनआरएन अमेरिकाको एकल खाताका मार्फत रकम जम्मा गर्न पहल गर्यो। यसै अनुरुप सहयोग रकम जम्मा होला। यो रकम नेपाल जाला। के यति नै हो हाम्रो जिम्मेवारी?

हरेक प्राकृतिक प्रकोपमा सहयोग संकलन गर्नेको भिड नै लाग्छ तर वास्तविक पिडितको हातमा खासै केहि पर्दैन।

किन?

आपतको बेलामा सहयोग संकलन एउटा फेसन बनेको छ। सस्तो र देखावटी समाजसेवाको नाममा यति उति सहयोग आयो भन्दै आफ्नो अनुहार र पैसा तिरेको रसिद सहित फोटो खिची फेसबुकमा हालेपछी जिम्मेवारी सकियो भन्नेको ठुलो जमात छ। अर्को एउटा जमात छ जो केवल शंका मात्र गर्छ – मौकामा पैसा कमाउन आएका हुन् है मात्र भन्छ।

तर जसले माथिको फोटो हेरेर त्यो बाढीमा बगेको बच्चा लाई आफ्नै बच्चा ठानेर रुन्छ – उसले फेस्बुके होइन - आत्मैबाट सहयोग गर्छ र भन्छ म मेरो सहयोग ठाउँमा पुर्याउछु।

केहि हजार डलर बोकेर अमेरिका देखि नेपाल गई म कस-कसलाई पैसा बांडू? यो असम्भब नै छ। चाहेर पनि यो हुनै सक्दैन। त्यसैले त् हामीलाई नेपालीको संजाल चाहिएको हो। त्यसैले त हामीलाई सरकार चाहिएको हो। त्यसैले त् हामीलाई ग्राउण्ड लेभलमा भिज्ने सामाजिक संस्था चाहिएको हो। त्यसैले त् हामीलाई विश्वसनीय टप-टु-बटम नेटवर्क सम्हाल्ने संस्था चाहिएको हो। त्यसैले त् मलाई एनआरएनए चाहिएको हो। त्यसैले नै म एनआरएनए को सदस्य बनेको हुँ। गर्व छ मलाई यो संस्था प्रति – जसले आफ्नो नेटवर्क यसऱी बनाएको छ कि यसको उपयोग सेकेन्ड भरमै 'चाहेको ठाउंमा' गर्न सकिन्छ। अहिलेको यो सेकेन्डमा चाहेको कुरा हो – बाढी  पिडितको उद्दारमा खट्नेलाइ र पिडितको रिलिफमा चाहिने श्रोत र साधनको सहयोगको ग्यारेन्टी।

यो ग्यारेन्टी सरकारको निगरानीमा हुनैपर्छ। माथिको बच्चा संग मेरो भावना जति गहिरिए पनि म उडेर अहिल्यै त्यंहा पुग्न सक्दिन। म जस्ता लाखौं भावना बोकेका एनआरएनहरु सबै त्यंहा पुगे भने त्यो भिडले सहयोग होइन समस्याको सृजना गर्छ। त्यसैले म भन्दा पनि मेरो प्रतिनिधि त्यंहा पुग्नु पर्यो।

मेरो प्रतिनिधिले 'इमान्दार' सरकार संग सल्लाह गरि मेरो नेटवर्क संग सरकारको नेटवर्क जोड्नुपर्यो। मेरो नेटवर्क र सरकार संगको कनेक्सनमा कुनै लिक नभैकन सहयोगको संचार सरकारको हातसम्म पुग्ने ग्यारेन्टी म लिन्छु तर सरकारको हातपछि पिडितको हातसम्म पुर्याउने ग्यारेन्टी सरकारले नै लिनु पर्छ। मेरो उपस्थितिले हुने बाधा म बुझ्छु तर माथिको बच्चाको हामी जस्ता लाखौँ करोडौं नातेदार र आफन्त जसले रुँदै आज सहयोग गरिरहेछन तिनको सहयोगको कुनै अंश तिम्रो हातमा परेपछि चुहावट भयोभने तिमीलाई त्यो बच्चाको आत्माले मात्र होइन हामीले पनि छाडदैनौं।

तिम्रो काममा भिड बढाउन त् म आउँदिन तर तिमीले काँही कतै मेरो पसिना र बिश्वासमा चुहावट गर्छौ कि भनेर हेर्न त  म अवस्य आउँछु।

प्रतिकृया दिनुहोस